巴拉圭恰厄瓜多爾未開齋

猪拉多纳

03/07/2011
文： 麥馬拿仁

Ｂ組另一場巴拉圭鬥厄瓜多爾，巴拉圭於去年世盃決賽周表現可人，雖然辛達告魯斯稍有跌Watt，但巴里奧斯大熟大勇，三線主力亦在陣中。反觀厄軍表現反覆，球員各自為戰，上屆美洲盃分組賽三戰全敗，拿仁捧巴拉圭Ｗ！（有線61及201台周一清晨5時30分直播）




巴拉圭近年愈踢愈進步，去年世盃八強僅負最後冠軍西班牙○比一出局，絕對有晒交代。今次領隊馬天奴點兵精銳盡出，只係冇選賓菲加射手奧斯卡卡度素，但前線有多蒙特殺手巴里奧斯、回歸布力般嘅辛達告魯斯同靴高斯中鋒希度華迪斯已經夠殺，以此陣容應戰，小組出線冇難度。


厄軍今年未贏過


厄瓜多爾陣中以曼聯翼鋒路爾斯華倫西亞及CF阿美利加射手賓尼達斯最有名氣，但球隊表現極度反覆，未能保持穩定發揮，今年七場國際賽僅得六和一負劣績。另外，厄軍今次到阿根廷參賽冇國內高原氣候撐腰，戰鬥力進一步削弱，拿仁強捧巴拉圭贏波！