洛辛堡復甦開薩戒

猪拉多纳

03/07/2011
文： 阿當K神

挪超班霸洛辛堡今晚會回師主場，迎戰已經7場不勝嘅薩普斯堡，客軍今季升上挪超後，聯賽作客仲未開齋，今仗出戰全面復甦嘅洛辛堡，睇怕都係凶多吉少，熱捧1.7倍「讓球主勝」。（開賽時間：周一凌晨0:00）




開季前易帥嘅洛辛堡經過季初適應期後，最近已經全面復甦，近5場聯賽保持不敗錄得2勝3和，當中所攻入嘅10球，更由7名唔同球員建功，可見入球分布點極廣。賽前更傳出利好消息，就係後防大將凱蘭特同上場傷出嘅射手派加都有望傷愈趕及披甲，大大提升整體攻守能力。


薩普斯堡作客發軟蹄


反觀薩普斯堡近期有跌Watt迹象，上周中賽和維京後更出現7場不勝，士氣肯定唔慌好得去邊，更致命嘅地方係呢支升班球隊絕對稱得上係一條作客蟲，今季聯賽7次作客錄得4負3和劣績，合共失咗17球，加上今仗有首席射手賀亞斯同中場漢蘭加打柴，試問點頂得住洛辛堡呀？