烏克蘭超級盃基輔要發圍

猪拉多纳

05/07/2011


今日帶大家去到烏克蘭，呢個東歐國家將會舉行明年嘅歐洲國家盃，所以今季聯賽亦會提早舉行，打頭炮係烏克蘭超級盃，薩克達對基輔戴拿模。烏克蘭球壇基本上畀呢兩支球隊玩晒，兩隊實力各有千秋，上季薩克達攞雙料冠軍威到盡，睇怕今季都輪到基輔發威！


勢挫薩克達雙冠氣燄


薩克達上季聯賽同烏克蘭盃，都力壓基輔奪得冠軍，基輔今季痛定思痛，提早開操，並羅致咗尼日利亞國腳夏魯拿加盟，呢位二十歲中場上季効力摩納哥，體能超強，配合陣中技術幼細嘅巴西兵，相信可起到化學作用。




翻查兩隊交手紀錄，可謂互有勝負，近七次交手薩克達贏咗四次，基輔則贏三次，今仗於中立場作賽，梗係捧被外界睇低兼有飢渴感嘅基輔啦！