借題發揮：大摩連環出招 啱啱贏晒兩匹王牌馬

猪拉多纳

　　季尾嘅高潮落喺練馬師冠軍之爭，阿Jack一度以為大摩競逐練馬師冠軍寶座機會渺茫，殊不知，大摩抱着一顆雄心，搏命係咁追，至此只係落後告東尼3場頭馬咋。其實佢哋呢類大馬房，1日贏3、4W，真係閒過立秋，所以，變數依然存在。

　　望過田草煞科戰，兩大馬房報名馬，為數多又夠強，到時肯定有排鍊！至於今期夜賽最後一戰，表面上，東廐出馬多啲，如果逐匹逐匹秤實力，大摩幾駒點都應該睇高一線。

　　老老實實，頭尾場「龍子」及「四季」，在下唔係咁大信心，唔係冇機會勝出，但一定及唔上一對王牌馬「紅旗勇將」和「活力至寶」，再者，啱啱喺上期，摩廐贏晒兩匹王牌馬，可能會食過翻尋味。

紅旗勇將活力至寶演出準

　　「紅旗勇將」和「活力至寶」，彼此有個共通點，就係演出一直咁準，甚少會跑唔出水準。而因為跑番正常場地及加程，前駒會有裨益。後駒則新勝，轉回1200米亦更佳，或可再捷。

Jack