馬主論戰

猪拉多纳

吉利大師現真身

　　今晚谷草煞科戰，柏寶手馬好惡，我睇好佢有馬贏，甚至可以起孖。推介第六場「吉利大師」，初出嗰場贏到其他馬冇得跑，擺明係高質貨色，近兩場唔係孭重磅，就係排外檔，輸咗唔使介意，今次樣樣條件都唔錯，係時候現真身。另外鍾意尾場「活出美麗」，上場初跑谷草已經接近，之後仲專登試課泥閘，點計今次都唔係陪跑，加埋眼罩兼用柏寶操刀，贏得。

張敬山

勁高手準得交關

　　蔡約翰剛戰有多匹惡馬上陣，但最終都係冇馬贏，令到爭冠軍機會大降。不過今晚谷草煞科戰，蔡廐都有唔少惡馬，要贏馬應該唔難。推介第四場「浦東之威」，上仗唞咗四個月復出都上名，證明近況好弗，今次排五檔好過上次多多聲，要贏番一場唔難。另外推介尾場「勁高手」，呢隻馬今季準得交關，跑19場得五冠五亞一季六殿，加上跑法主動，初跑谷草難佢唔到。

任達華

杜利萊當旺要捧

　　剛啱杜利萊憑「步步快」贏馬捧盃，搏殺手風大順，今晚佢騎五駒上陣，不妨從中揀選投X對象。睇中第二場「當旺」，近五場獲冠亞殿各一，仲有一場跑第五，表現夠晒忠心，排外檔如果叠埋心水留後衝，未必冇得爭。另外鍾意第六場「添福駿驥」，上仗跑泥地1200米，只係輸條頸畀「駔驍駿駒」，三歲馬依家評分一定有着數，轉跑谷草啱發揮，咪睇小。

寇鴻萍、梁廷鏘