瑞典夠硬淨美國咬唔入

猪拉多纳

06/07/2011
文： 巨高

女子世界盃C組大局已定，北韓及哥倫比亞兩戰皆北正式出局，而瑞典及美國兩戰俱捷躋身八強。故此組最後一輪賽事，對於北韓及哥倫比亞只屬例行公事，至於瑞典及美國則為首名而奮鬥，以避開好有可能成為D組首名嘅巴西。瑞典與美國於首兩場分組賽同樣兩連勝兼不失球，無論實力及賽績都不相伯仲，今場美國要向瑞典讓波唔多值博，瑞典2.45倍「讓球主勝」捧得過。




（有線61及64台周四凌晨2時45分直播）




瑞典及美國同屬世界排名頭五位球隊，戰鬥力相當接近。當然唔少球迷都留意到美國喺首兩場分組賽取得可觀入球數字，表現睇落比起瑞典優勝。但要留意所擊敗嘅對手北韓及哥倫比亞實力較弱，今次遇到穩打穩紮嘅瑞典，美國一定唔會踢得咁輕鬆。仲有一點要留意，美國今場和波都可獲首名資格，爭勝心未必太強。對手瑞典於首場分組賽贏來點到即止，仲有幾多喺手都未知，話唔定留力嚟對付美國，希望搶得首名資格，受讓切勿錯過。


北韓哥倫比亞捱「細」界


同時間舉行北韓對哥倫比亞，捧細盤。雙方合共踢過四場分組賽都冇入球，證明把握力甚差，何況今場勝負對大局冇影響，欠爭勝推動力好難產生大量入球。