山形多花臣都唔夠紅鑽撼

猪拉多纳

06/07/2011
文： 九叔

雞髀就話打人牙骹軟啫，櫻桃點得o架！山形山神今日主場對浦和紅鑽，雖然大派櫻桃試食包造勢，但係佢哋呢兩年從未响地頭贏過對手，呢場日職波都係博紅鑽1.88倍客W穩陣啲。（開賽時間：周三晚6:00）




山形、紅鑽兩隊今季都表現麻麻，目前分別排名日職17同15位，最令人失望嘅當然係財力、人力俱備嘅紅鑽，一度淪落到去17位，依家雖然彈番起些少，不過仲係唔上唔落，始終未敢講句肯定唔使受降班威脅。


紅鑽新兵激發隊友爭氣


一場咁嘅下游對碰，真係好難撩起啲球迷觀戰意欲，可能為咗咁，山形同JA全農山形組織合作，賽前向最先到場嘅200名球迷送櫻桃試食包，賽後又有抽獎，仲向雙方球隊、執法球證送櫻桃，如果山形贏波，被選做MVP嘅嗰位球員，就會獲贈3公斤重嘅櫻桃產品禮包添。




搞咁多花臣，當然對場波嘅氣氛有幫助，但係想幫山形贏波，就唔係咁容易。首先，紅鑽銳意翻身，早幾日簽咗個塞爾維亞前鋒迪斯普杜域，雖然佢最快要到下星期先會亮相，不過多隻香爐多隻鬼，紅鑽班正選一定搏過以前。其次，山形近8場波只贏過神戶，而且响主場已經兩年冇贏過紅鑽，狀態、往績都唔理想，撞啱紅鑽逐步回勇，近8場波只輸過畀清水，今場梗係博客好過博主。