墨西哥人腳曳撐秘魯

猪拉多纳

08/07/2011
文： 牛奶仔

美洲國家盃聽朝上演C組第2輪賽事，有應屆美洲金盃盟主墨西哥出戰秘魯，首場出師不利嘅墨西哥今仗可謂非勝不可，但奈何近期軍心受到多重打擊，加上人腳麻麻，面對秘魯難有突破，秘魯讓平半高水值捧。（有線61及201、中央5台周六早上8:45直播）


秘魯費倫中場復出


墨西哥贏得美洲金盃後，放走多名骨幹成員，改以大量U22國腳參戰，為來年倫敦奧運備戰。但可能因為一班年輕球員血氣方剛，以莊拿芬杜斯山度士為首嘅8名球員爆出召妓醜聞，畀國家隊禁賽半年，進一步削弱墨西哥嘅實力，只靠杜斯山度士一人難成氣候。




秘魯雖然受到傷兵問題困擾，但佢哋上場對烏拉圭踢得有板有眼，喺先開紀錄之下最終慘被逼和。上場帶住輕傷上陣嘅前鋒荷西古里路更成為球隊入波功臣，預料經過幾日休息後今場問題不大。同時，早前受傷嘅費倫天拿中場祖安華加斯已於上場後備入替復出，今仗可以重返正選陣容，令秘魯實力有增無減，值得捧場！