洪禮賢講馬：人人興旺 形勢着數

猪拉多纳

　　第十場一班1600米。「人人興旺」上場贏到冇對手，當「勁高手」、「讚惑」、「滿綵」冇到，呢3匹敗將，今季共獲10場頭馬，佢可以喺直路似陣風咁「行」過，姿態固然誇張得好緊要，而這場勝利，的確以新形象示人，因之前畀人嘅印象雖然係準，但評分似有摸頂之感，跑落則係另一回事。

　　今場分區上調，不過對手唔覺得比上場強（俱在105分或以下），加上用10磅仔，幾匹高分馬反要讓佢磅，計死數賺到笑。如果隻馬唔係嚟到季尾冇體能，而吳嘉晉駕馭到，可再W。

　　第十一場二班1400米。「軍事行動」成日因為賽事中穩定唔到，自亂陣腳情況下，交唔到應有水準。如果攞住佢之前跑得好嘅賽績嚟秤，曾經僅輸畀「陽明深心」，又試過力迫「卡達聖」和「人人興旺」（嗰場直路際遇唔多好），100分以下唔應該冇本事贏。

　　今場落番二班跑，望望成批對手，算係佢近仗之中較為普通一批，起碼冇咗批過百分嘅對手。當然，重磅、難留會係佢主要「對手」，但由於賽事水準明顯下降，除非喺陣中又犯大錯，假如跑得啱，交到之前同程上名能力值，有權贏得今個馬季最後1W。

馬會賽馬節目主持　洪禮賢