續領風騷唔係講笑

猪拉多纳

明日閉幕戰戲肉乃第十場沙田一哩錦標，盃王大摩派出一對戰駒上陣，主帥白德民超磅騎「摩法神采」固然矚目，然而「續領風騷」亦非弱者，更隨時會係主力所在。此馬在港初出由勞愛德策騎跑第二，今勻人馬再合作兼首次戴面箍，擺明不是來陪跑。
  
勞愛得、大摩





昨晨「續領風騷」由勞愛德快踱一圈，走勢輕盈有勁，大摩在烽火台二樓食胡位舉鏡睇足全程，課後德叔專程去搵大摩匯報，兩人在烽火台傾十多分鐘仲未夠喉，繼而邊行邊傾雙雙入倉睇馬，備戰態度極為認真，唔係講笑o架。