法國夠料教訓「河東獅」

猪拉多纳

09/07/2011
文： 麥馬拿仁

女子世界盃八強賽事，法國女足鬥英格蘭女足。法國上仗不敵德國，領隊刻意收起兩大主力阿比莉同戴莉，又換走中場大將妮絲比，留力用意明顯，今場強陣出擊可以秤先。「三獅兵團」英格蘭踢法粗枝大葉，組織能力曳，唔夠法國砌！（有線61台周日凌晨零時直播）




法國分組賽頭兩仗全勝，而且一球不失，去到上場鬥德國，領隊比尼見已經出線，故收起幾名前線主力，最終敗陣而回都無話可說。雖然半力出擊兼少踢一人，但法國仍好有隊形，而且又攻入兩球，足見「女法蘭西兵團」有料到，以波論波的確高過英格蘭一班。雖然門將莉普域絲上仗領紅今仗停賽，但二號門將迪維爾有超過四十三頂喼帽，相信亦有一定實力。




英格蘭分組賽頭兩場表現一般，對墨西哥幾乎輸波，鬥新西蘭亦先失一球。上仗對日本，亦僅憑高大身材恰死對手，事實上兩個入波都係反擊，打陣地戰完全唔掂，面對高班法國肯定陷於劣勢，法國贏波賠率過２倍，抵玩。