東京綠茵追擊岐兵

猪拉多纳

09/07/2011
文： 蘇豪

日職有超級魚腩黃蜂，日乙一樣有「黃大仙」FC岐阜，一於攞住佢嚟反！東京綠茵主場對FC岐阜，以綠茵四連勝近況，相信可再下一城，捧「讓球主勝」及大盤！（周六下午5時開賽）




東京綠茵被視為升班熱門之一，雖然季初出閘脫腳三連敗，但近期已全面回勇，連贏四場，而且場場贏得相當有說服力，合共攻入十五球！由於佢哋係一支踢法崇尚進攻嘅球隊，後防失波頗多，所以捧「讓球主勝」之餘，可捧埋大！




FC岐阜係日乙榜尾球隊，而且出名作客成績差，今季七場聯賽作客輸咗五場，另外兩場打和，至今仲未開齋，由於日乙冇降班制度，所以FC岐阜踢到季中已經hea住嚟踢，對住大勇嘅東京綠茵情況令人擔心！




另一支東京球隊FC東京又係弗到漏油，最近連贏五場，作客更加四連勝，中場森重真人連續三場入波，弗到漏油，今日作客大分三神勝算極高，捧客Ｗ！（周六晚6時開賽）