英格蘭上力捉雞有法

猪拉多纳

09/07/2011
文： 牛奶仔

女子世界盃8強賽事今晚展開，打頭陣嘅有英格蘭女足對法國女足，英格蘭上場勝日本打出代表作，相反法國則被德國大炒，加上今仗有正選門將缺陣，一於捧英軍保持不敗，要1.63倍「讓球主勝」。（有線61及64、中央5台周日凌晨0:00直播）


法國正選門將停賽


英格蘭喺今屆女子世盃表現比較慢熱，只不過由分組賽第2輪反勝新西蘭開始已逐漸上力，上場2:0淨勝勁旅日本更加發揮出應有水準，顯示一班正選球員已經完成磨合期，嚟到8強一場定生死嘅比賽，表現相信只會更加對辦，靠得住。




另邊廂，法國雖然頭2場都派蛋，惟對手實力僅屬次級，佢哋上場面對勁旅德國就即刻現形，畀對方大炒4:2，當中領紅嘅門將莉普域絲今場更加需要停賽，後防隱憂有增無減。既然兩軍近3次交手都未能分出勝負，英格蘭今次贏埋氣勢相信至少能保持不敗啦！