洛達列加想踢正選證身價

猪拉多纳

10/07/2011


風頭一時無兩嘅法卡奧，在今屆美洲盃搶走咗「師兄」洛達列加嘅正選位置，搞到後者頭兩場都坐冷板。洛達列加賽前揚言想踢正選，並透露自己正受多支大會垂青，當中包括銳意重建嘅阿仙奴。




○五年已獲得首頂哥倫比亞喼帽嘅洛達列加，國家隊經驗一定比「後輩」法卡奧豐富，但由於後者在去季人氣爆燈，今夏更成為轉會市場紅人，洛達列加嘅正箭頭位置亦因而拱手相讓。


自爆想加盟阿仙奴


洛達列加賽前表示，佢嘅踢法與法卡奧有分野，後者係柱躉式，而佢就比較鍾意上腳，所以位置唔會重疊，一同出賽問題不大。洛達列加亦自爆自己受到多支球會垂青，當中包括阿仙奴、愛華頓、維拉利爾及西維爾，而佢就最希望過檔阿仙奴。