超級盃鬥皇馬預埋佢

猪拉多纳

11/07/2011


美斯喺巴塞隆拿呼風喚雨，但喺國家隊就經常都踢唔出水準，又遭阿根廷傳媒狠批，畀你係「球王」都想盡快返巴塞啦！據悉美斯為咗重拾信心，寧願縮短假期提早歸隊，都要為巴塞出戰西班牙超級盃。美斯喺今屆美洲盃嘅表現被彈得一文不值，搞到佢飽受壓力之餘，更開始懷疑自己嘅能力，所以佢希望盡快再披巴塞戰衣，證明「球王」地位。




巴塞領隊哥迪奧拿本允許美斯戰罷美洲盃後，在當地時間八月十一日才返回西班牙報到，所以美斯基本上會錯過八月十四日舉行嘅西班牙超級盃首回合。




但由於美斯在阿根廷飽受委屈，所以佢打算縮減假期提早歸隊，參與首回合賽事，將一切屈悶發洩在死敵皇家馬德里身上。