烏拉圭喪砍仙人掌

猪拉多纳

12/07/2011
文： 力奇

細佬有事，梗係要搵大佬出頭啦！世少盃決賽啱啱由墨西哥U17擊敗烏拉圭U17封王，不過嚟到美洲國家盃情況就大不同，烏拉圭班大國腳今仗要喺C組贏波先可以確保出線，梗係唔會留手，佢哋喺阿根廷中立場對住以奧運腳為主嘅「仙人掌軍團」墨西哥，無論卡士同鬥志都贏晒，今仗大勝可期，捧2.5倍「讓球主勝」啦！（有線61及201、中央5台周三早上8:45直播）




烏拉圭同墨西哥家陣分列小組3、4位，由於賽制係小組第3都仲有出線機會，烏拉圭就算和波都未絕望，但講到想穩陣，贏波甚至有機會跳升第1，有利走線，你話烏拉圭點會唔搏命先？事實上，呢支老牌勁旅今屆賽事都算精銳盡出，最有卡士嘅前線三條煙科蘭、蘇亞雷斯同卡雲尼都被徵召入伍，雖然話踢完頭兩輪都未入局，隊波仲未開齋，今仗仲有卡雲尼養傷，但熱身夠晒，都應該係時候發威。




睇番陣容，卡雲尼右膝韌帶傷要抖，補上嘅係巴勒莫前鋒艾保靴南迪斯，戰鬥力唔會差太遠。至於左閘位馬田卡沙利斯累積兩黃停賽，預計領隊泰巴尼斯會將左中場艾華路佩雷拉移後頂替，再搵番波圖中場基斯甸洛迪古斯打番左中場位，影響唔會太大。


墨西哥兩場輸晒立立亂


墨西哥方面，贏完美洲金盃之後放走晒班主力，搵批奧運腳嚟踢美洲國家盃，戰鬥力即時大減，依家佢哋兩戰兩敗，無心戀戰仲邊有寄望吖！之前發生埋召妓風波，又趕走咗8名成員，單靠一個杜斯山度士孭飛，你當佢真係識飛咩？


烏拉圭近屆坐底入4強


‧近4屆賽事至少能殺入4強。




‧近5次交手得2勝1和2負。

墨西哥鍾意開「大」片

‧近7屆賽事至少能闖入8強。

‧近8場賽事有6場開出入球大。

美洲盃賽制

12支球隊分3組踢單循環賽，每組首兩名及兩隊最佳成績第3名躋身8強淘汰賽。

美聯盃賽制

8強採1場決勝制，若法定時間賽和需加時，再和則互射12碼決勝負。

歐聯賽制 第2圈外圍賽採主客兩回合制，若兩回合總比數賽和，以作客入球較多一方為勝，若再和則需加時，若仍未能分出勝負則互射12碼決勝負。