巴拉圭委內瑞拉獻細

猪拉多纳

13/07/2011


美洲國家盃B組首支出線球隊係委內瑞拉，而最後一場分組賽將對戰有新舊乳神撐場嘅巴拉圭。今場形勢好簡單，巴拉圭只要不敗就可與委內瑞拉攜手出線。既然兩隊都冇太大爭勝推動力，今場極可能成為一場悶戰，細盤係唔錯嘅選擇。




（有線61及201台周四早上6時15分直播）


兩隊冇必要去攻


委內瑞拉已經取得晉級資格，故今場大可以稍作保留，留力出戰八強淘汰賽。再講，委內瑞拉球員都唔想受傷而影響到日後出場機會，今場又點會同巴拉圭硬撼，遇「五五波」一定縮腳。其實委內瑞拉本身攻力亦唔算強，相信都幾難撕破對手大門。而巴拉圭兩戰兩和，只要再打和委內瑞拉，起碼可以最佳小組第三名躋身八強，根本冇必要搏命，屯重兵後場防守應可達標。細盤得1.57倍可謂熱到透，開出機會極高。