施拉斯克強搶登地聯

猪拉多纳

14/07/2011
文： 法比加輝

歐霸盃第二圈外圍賽首回合開打，足智彩有七場供投X，加輝最有信心係打頭陣嘅施拉斯克主場對登地聯。波蘭亞軍施拉斯克為咗打入歐霸分組賽積極擴軍，從鹿特丹斯巴達簽入上季荷乙神射手禾斯金，又提早開操谷狀態，至今已踢咗六場熱身賽，備戰充足加上擁主場之利，捧1.57倍主Ｗ。（周四晚10時45分開賽）




波蘭球會施拉斯克闊別歐洲舞台多年後，今季誓要在歐洲賽幹一番事業，所以早前積極擴軍，擊敗多支荷甲球會簽入當紅射手禾斯金，呢位荷乙神射手上季為鹿特丹斯巴達上陣三十一次，驚人地射入廿九球，而佢嘅拍檔阿根廷前鋒基斯頓戴亞斯亦來頭不小，曾經奪過玻利維亞神射手，同樣多產。


登地聯冇態作客危


此外，施拉斯克亦為外圍賽提早備戰，開操至今已踢咗六場熱身賽，除首戰缺態輸波外，往後五場贏晒，可見狀態已急速提升。反觀登地聯開操後只係踢得三場熱身賽，備戰略欠積極，今場又要作客，輸波機會較高。




另一場北愛爾蘭球會十字軍主場挑戰富咸。富咸名氣雖大，但始終係季初，狀態欠佳下仍未踢出水準，上圈作客弱旅NSI魯納維克都只係踢成○比○。十字軍有一定防守力，今場一於捧入球細。（周五凌晨2時45分開賽）