格雷特霍夫愛做山寨王

猪拉多纳

14/07/2011


有留意開德乙嘅朋友，相信對格雷特霍夫唔會陌生，呢隊波堪稱「蠱惑天王」，每年都排喺前列位置，甚至有機會升班，但去到最後關頭，例必放軟手腳，繼續留喺乙組，情況就好似香港丙組嘅東方一樣，唔願升班，繼續做山寨王！




睇番格雷特霍夫近幾季嘅成績，由○四至○五年開始，只有一季排名係喺六名以外，其餘都係排喺四至六名之內，值得留意係佢哋季初特別勇猛，以上季為例，就一度排喺第二名，但贏得咁上吓，就會自動「獲利回吐」，或者呢啲就係德乙嘅文化，大家投X前要留意！