平手盤格雷特霍夫有口福

猪拉多纳

15/07/2011
文： Mic少

由德甲降落德乙嘅法蘭克福今晚作客格雷特霍夫，法蘭克福同好多降班球隊一樣，都係難逃主將四散厄運，土耳其射手前鋒哈利艾天托普、兩位防線主將奧查斯及法蘭斯都已離隊，攻守實力皆受削。格雷特霍夫屬於德乙強隊，平手盤要主隊。（周六凌晨2時30分開賽）




法軍係上季德甲攻力最差球隊，試過連續八場聯賽冇波入，球隊今季亦冇特別增添高質前鋒，反而放走哈利艾天托普，情況更難樂觀。最大問題係後防兩大支柱奧查斯及法蘭斯走人，想靠防守博攞一分都唔易。


ＦＳＶ主場搶頭彩


格雷特霍夫一向係德乙前列球隊，上季排第四，據聞佢哋一直都唔想升班，所以上半季落力搶分，下半季歎慢板，現球季剛開咧，相信格軍會打真軍。




另一場，ＦＳＶ法蘭克福主場對柏林聯，ＦＳＶ今夏大事增兵，當中唔少係中前場球員，明顯想改善攻力疲弱嘅問題，平手盤捧主隊之餘，亦可考慮1.95倍Ｗ嘅入球大。