借題發揮：蔡廐形象熱而穩

猪拉多纳

　　蔡約翰來港開倉10個年頭，六奪冠軍練馬師寶座，平均計唔夠兩年做一次冠軍，佢攞得咁鬼密，其他想爭冠軍嘅練者，唔係咁易叉到隻腳埋嚟，強如本地大哥大告東尼，都有好幾季未做過一哥嘞，便知目前馬圈要爭朝夕，難度比想像中可能更大。

　　蔡廐當年經常倚重戴勝，的確出現很多「話題」，而該些「話題」通常都唔係正面。無可否認，那年頭蔡廐也贏很多頭馬，但一再出現惹人非議嘅事件，令形象唔夠健康。

　　自從蔡約翰與韋達加強合作，熱門贏多了，正確啲講，應該話大多贏得嘅都係熱門，旗下馬爆冷比重明顯不如開倉之初，不過，因為冠軍加冠軍組合，贏馬又多，論近季形象，肯定比初期嚟得更正派、更健康，已標籤成為熱而穩嘅大倉口。

Jack