遊完西湖即操絕冇交杭貨

猪拉多纳

16/07/2011


兵工廠事隔16年再到中國踢表現賽，全國「廠」迷陷入瘋狂狀態，各地球迷都湧到杭州追星，班球員亦好識做，出席活動落力宣傳，FC杭州今晚對阿仙奴，大敗唔出奇，再追兵工廠1.44倍「讓球客勝」！（now632台及廣東體育周六晚7:30直播）




前晚阿仙奴夜晚8點至到杭州，尋日尹佩斯帶隊出席商場活動，球迷開心到眼都合唔埋，晏晝部分兵工廠球員遊西湖，但晚上仍堅持操練。事實上，阿仙奴剛啱贏完馬來西亞明星隊4:0，狀態唔需要太擔心，而且杭州09年曾經以2:8不敵曼聯，隊長杜威同左閘榮昊又去咗為國足備戰世盃外圍賽，今仗隨時又輸到嘔電。