洪禮賢講馬:馬場內QBQ

猪拉多纳

　　多年前曾讀過1本book，個名類似係叫《問題背後的問題》，幾有啟發性。可能自己悟性太差，或者諗錯隔籬，完全歪曲咗原有作者嘅意義。冇記錯，箇中寓意係面對問題之時，唔好以消極態度、推諉於他人、認定自己係無辜等！

　　就好似行行吓街，唔睇燈就過馬路，結果畀督導員「周」咗，一畀人截停嗰刻，劈頭第1句：「喂，成村人衝燈過馬路，你個個唔捉，係要捉我！玩針對吓話？！」上述句子正正係QBQ（問題背後的問題）。咁點解呢個人唔遵守交通規則，綠公仔先過馬路！假如佢做好本分，被「周」嘅，一定唔係佢。

　　而置身馬場之內，總有人贏錢，亦會有人輸。就算大家喺埋同1個counter，點解有部分人經常抬錢走？偏偏又唔係自己（唔計落飛黨），唔通永遠做地獄黑仔王？！站於命理學，可能有人冇橫財命，估公字，一樣照輸。

　　假如唔係命理因素，就會係QBQ嘞，經常性失敗在於邊方面？必先檢討，並要加以改進，簡簡單單咁講，如買三重彩成日開腳，咪買細啲轉複式囉。

洪禮賢