委內瑞拉唔怕和波圭

猪拉多纳

20/07/2011
文： 法比加輝

明早美洲國家盃四強巴拉圭對委內瑞拉。雖然美洲盃已經去到四強階段，但其實巴拉圭仍未在法定時間內贏過波，四場賽事全和，包括在分組賽三比三和委內瑞拉。既然巴軍近期毫無贏波板斧，今場讓波唔值博，建議捧受讓嘅委內瑞拉「讓球客勝」。（有線61及201台周四早上8時45分直播）




巴拉圭能夠打入今屆四強，全靠一個和字，事關佢哋一直靠和過關，分組賽三和得三分，以第三名出線。去到八強再和巴西，兩軍踢足百二分鐘都難分難解，結果巴拉圭射贏十二碼晉級，所以巴拉圭其實仲未打開今屆勝利之門。


分組賽3:3和過巴拉圭


事實上，巴拉圭呢班波確係「和波專家」，除今屆四連和外，美洲盃開始前三場熱身賽成績都係一勝兩和，所以巴拉圭近七場賽事已經開咗六次和波，可見要佢哋清脆贏波似乎有難度。




雖然委內瑞拉一直未獲睇好，但今屆踢落愈見驚喜，尤其係首戰摸和巴西後，上場又淘汰另一勁旅智利，而且今屆賽事未嘗一敗，分組賽亦和過巴拉圭三比三，千祈咪睇低佢哋。既然愈戰愈勇嘅委內瑞拉今場有得受讓，加輝當然捧場，一於要1.88倍委內瑞拉「讓球客勝」。