洪禮賢講馬：蜻蜓點水式追馬

猪拉多纳

　　近日睇緊1本book，其中有篇寫得好「啜核」。嗰篇係寫情愛如蜻蜓，睇完唔啱嘴型嘅人，或會覺得作者搵嚟講。但如果啱channel，會覺得字字珠璣，內容夠現實又人性化。內容大意指，不是每段愛情也有始有終，像擦身而過的愛情，似是蜻蜓點水。簡單幾句，已道出最真實一面。

　　有啲嘢，唔到你想深入就得，亦唔到你決定去或留。有時可能係「輕觸式」談情，散拖咋！邊會同你山盟海誓，純粹搵個伴睇戲食飯。

　　如果「蜻蜓點水」咁追馬，諗法亦合情合理。因為一個唔好彩，揀隻好似前文提到嘅「超力駒」之流，追足季幾兩季，Q腳都未入過，冇癮都算嘞，最慘係對嗰啲馬睇法超錯，嚴重影響自己判斷力。

　　又例如「無敵福星」，跑了3季未贏，初期以為輸近有料到，觸動了情感神經，諗住「發展」吓，點知追落唔對路，二班插落五班，依然唔識贏，而上季居然仲有好幾場成為熱門，服未！？呢類馬宜視作散拖，「拖」一兩場咪算囉。

馬會賽馬節目主持　洪禮賢