奧足主帥死撐唔會大敗

猪拉多纳

21/07/2011


車路士三年前曾經到訪馬來西亞，並且憑安歷卡及艾殊利高爾嘅入球，以二比○擊敗馬來西亞明星隊，不過上次杜奧巴因傷缺陣，另外費蘭度托利斯、班拿約及施哥夫等球員尚未加盟，故對馬來西亞球迷嚟講，仍有一定嘅新鮮感。


當地球迷話冇星味


好多當地球迷話今次嘅馬來西亞明星隊，一啲星味都冇，因為最精銳嘅球員已入選大國腳備戰世界盃外圍賽，但馬來西亞奧運隊主帥王金瑞卻否認，認為呢支以幼虎A隊（23歲以下）及幼虎B隊為主力嘅球隊，一樣有極大競爭力。




王金瑞表示：「呢支球隊絕對唔係雜牌軍，早喺月初已挑選咗三十九人備戰，除咗新人之外，仲有幾名老將助陣，當中包括三十歲嘅安利，佢曾經喺兩年前嘅季前熱身賽對曼聯射入兩球，另外後防亦有諾哈菲茲穩定軍心，我有信心馬來西亞明星隊會踢場好波送畀觀眾，而且唔會大敗。」