巴西阿根廷「-1」起孖

猪拉多纳

01/08/2011
文： 巨高

在哥倫比亞舉行的世青盃將上演E及F組第二輪分組賽，兩支奪標熱門巴西U20及阿根廷U20將分途出擊。身處E組嘅巴西就會對戰奧地利，至於F組阿根廷則惡鬥英格蘭。兩支南美球隊極需要勝利去穩定晉級形勢，相信雙方都會拚盡所有爭取勝利，隨時可齊齊炒起對手，呢兩口「讓球主勝」都相當穩陣。（周二早上9時開波）




先講E組嘅巴西，首輪只能與埃及打和一比一，表現令人失望，不過唔好咁快就睇小森巴兵團，話晒佢哋都係四屆世青盃冠軍，實力早有證明。加上今屆比賽安排喺南美國家哥倫比亞舉行，地理環境亦對巴西球員有利，相信菲臘比古天奴、卡斯米路及奧斯卡杜斯山度士等天才球星，經過首場作熱身後，今場會有更佳演出。


奧軍冇料到 英軍得個名


對手奧地利冇料到，之前喺U19歐國盃早於分組賽出局，去到世青盃更難有突破表現。巴西遇弱隊有望大勝而回，「讓球主勝」可捧。




阿根廷首輪贏墨西哥算係有驚無險，而今場再贏英格蘭的話就能提早晉級，相信佢哋唔會揸流攤。尤其今場對手係死對頭英格蘭，更能激發起阿根廷鬥心。英格蘭個名係響，但成績衰到冇朋友。○九年世青盃喺分組賽一和兩負、○七年就連決賽周都入唔到。今年初對法國又輸，首輪分組賽對住北韓都係打和○比○。英格蘭得個名，對住六屆冠軍阿根廷隨時慘敗，「讓球主勝」開出機高。