英幼獅冇人孭飛難敵阿根廷

猪拉多纳

01/08/2011
文： 牛奶仔

世青盃分組賽嚟到第2輪，首場旗開得勝嘅大熱門阿根廷聽朝會遇上英格蘭，「幼獅」未獲得球會放人，令大部分球星都冇入選，反觀阿根廷首戰表現理想，今場一於捧佢哋贏波出線，要1.85倍主勝。（開賽時間：周二早上9:00）


「新美斯」表現搶鏡


阿根廷貴為奪標大熱，上場對墨西哥只能小勝1球，難免令人有啲失望。不過，其實佢哋成場表現對辦，全場按住對手嚟攻，當中被譽為「新美斯」嘅波圖射手伊度比後備入替表現出色，預料今場會夥拍首戰致勝功臣拉美拿擔正攻堅。




英格蘭大國腳喺世界賽向來名大於實，估唔到一班U20「幼獅」都秉承咗呢個「傳統」，上仗對同組最弱嘅北韓都未能贏波，出線形勢唔太樂觀。事實上，由於英超唔少球會都拒絕放人，尼爾蘭加、韋舒亞同積克羅賓遜等都未有入選大軍，令英格蘭實力大減兼冇人孭飛，今次面對大熱門阿根廷相信凶多吉少。