漢堡撼華倫大有睇頭

猪拉多纳

02/08/2011
文： 朱楓

啱啱喺德國盃晉級嘅漢堡，今晚會喺主場同華倫西亞拍跳。漢堡近期改打4231陣式火力全面撻着，對手華倫一班射手亦輪流着火，既然兩班波火力都有保證，朱楓覺得呢場玩1.72倍入球大最着數！（有線61及64周三凌晨1:15直播）


華倫新兵皮亞堤對辦


漢堡早前賣走唔少主力，仲有射手荷西古里路同中場湯馬士連干因出戰美洲國家盃而延遲歸隊，不過近期熱身賽戰績仍然好標青，先後擊敗拜仁慕尼黑同大炒格羅寧根，啱啱喺德國盃首圈亦以2:1淘汰奧登堡，朱楓覺得漢堡近期表現咁醒，全賴教練奧寧改打4231陣式，搵托爾、艾利亞同孫弘民3名速度活力兼備嘅球員，支援單箭頭柏歷。當中近期被德國傳媒譽為「南韓梅拿」嘅孫弘民更着晒火，近10場射入18球。




雖然西甲仲有排先開鑼，但華倫西亞近期都齊晒腳積極踢熱身賽，而且表現唔差得過漢堡，當中由艾美利亞加盟嘅皮亞堤仲已經入咗兩球，另外3位射手蘇爾達杜、莊拿芬干卡維斯同阿度里斯亦先後開齋，擺明博表現爭上位，今場作客漢堡絕對係駁火格。