碧咸復出撐銀河「伐木」

猪拉多纳

03/08/2011
文： 亨格比利

正所謂寧買當頭起，洛杉磯銀河呢排贏到開巷，上仗殘陣造訪溫哥華白帽都炒對手4球，聽朝有「萬人迷」碧咸回歸，戰鬥力肯定進一步提升，作客近況沉到爆嘅波特蘭伐木者，2.05倍客勝梗係抵捧啦！（開賽時間：周四早上10:30）


伐木者近10戰贏得1場


聯賽3連勝嘅銀河已經連續保持14仗不敗，上仗殘陣都照炒白帽，證明呢班波係幾咁弗。今季交出咗8次助攻嘅碧咸，將會聯同千里達「掃把佬」巴查齊齊刑滿復出，加上整傷個鼻嘅鐵衞奧馬干沙利斯亦會戴面罩上陣，教練艾連拿聽朝可以派強陣應戰。




主隊伐木者最近10場聯賽贏得1場，除咗後衞高夫韋迪同前鋒史賓沙湯臣倦勤之外，門將佩堅斯、中場謝利美賀爾及伯特迪基嘅上陣機會亦只係五五波，頹兵加上殘陣，就算有地利都唔似惡得出樣，輸少球已經算叻仔咯。