喀麥隆「+1」劏圭

猪拉多纳

05/08/2011
文： 法比加輝

世青盃B組明早上演最後一輪賽事，其中烏拉圭U20會對喀麥隆U20。喀麥隆現時形勢最差，兩戰僅得一分排包尾，所以今場唔使諗太多要全力爭勝！反觀烏拉圭和波仍有價講，心態未如喀麥隆般進取，加上烏軍今屆表現乏善足陳，加輝認為佢哋讓唔起「非洲幼獅」，建議捧受讓嘅喀麥隆「讓球客勝」。（周六早上6時開賽）




先講一講B組現時形勢，葡萄牙U20形勢最好，兩戰得四分排首位，只要在最後一場踢和新西蘭U20已肯定獲得出線資格。至於新西蘭同烏拉圭就同得兩分緊隨其後，而喀麥隆就只得一分包尾，所以今場冇得坐以待斃，要贏波爭出線。


烏拉圭火力有限


喀麥隆兩戰得一分，論表現就一定未如理想o架啦，主要因為「非洲幼獅」把握力較差，好似首戰對住新西蘭，全場射門次數佔盡優勢23對7都贏唔到波，因而痛失兩分。不過烏拉圭亦唔好得去邊，上場同喀麥隆一樣，只係踢和新西蘭一比一，而烏拉圭在今屆賽事亦只係入得一球咁大把，攻力咁有限點讓波呢？加輝認為今場都係和波格，捧1.73倍喀麥隆「讓球客勝」。




至於另一場葡萄牙對新西蘭，正如上文所講，葡萄牙和波都夠出線，預期今場都會睇定嚟食，而新西蘭則屬一支守強攻弱嘅球隊，估計今場都唔會多入球，建議捧細盤。