哥倫比亞爭首名唔放過南韓

猪拉多纳

05/08/2011
文： 牛奶仔

世青盃A組聽朝話咁快就上演最後一輪賽事，已篤定出線嘅主辦國哥倫比亞會迎戰南韓，主隊翼鋒占士洛迪古斯撻着晒，今次面對以大學生為骨幹嘅南韓，為爭首名出線誓必大開殺戒，一於追多鋪2.4倍「讓球主勝」。（開賽時間：周六早上9:00）




哥倫比亞雖從未贏過世青盃，但話晒今次係東道主，唔少適齡嘅球星都畀面參戰，當中就有6名外流球員在陣。事實上，由烏甸尼斯嘅梅利爾同波圖翼鋒占士洛迪古斯組成嘅哥倫比亞鋒線，喺A組實力超班，兩人各自取得兩個入波。無疑佢哋兩戰全勝提早獲得16強出線資格，但仲要爭取首名出線，避開其他強隊o架。


南韓上輪負法國1:3


對手南韓方面，大軍原先只有南特前鋒李洋吉為外流球員，其他人大多數係大學聯賽球員，踢國內職業聯賽嘅勉強數埋得7個，見佢哋上場慘敗畀法國1:3，就知實力只係有限公司，就算日乙鳥取飛翔個後衞金善珉趕嚟報到，代替受傷返國嘅黃道然，亦唔幫得幾多。


世青盃賽制


24支球隊分6組踢小組單循環賽，每組首兩名及4支最佳小組第3名晉級16強淘汰賽。