奈梅亨變天難擋海倫芬

猪拉多纳

06/08/2011
文： 笛子魔童

周日凌晨4場荷甲聯賽，荷華高斯及烏德勒支皆要作客讓波，考慮到今場係本季首輪聯賽，球員狀態唔明朗，尤其烏德勒支今季放走咗前鋒雲禾夫斯雲高、梅頓斯及中場史杜特文多名主力，教練一職亦由查迪利亞換上艾雲高文，領導層及陣容大變之下，作客面對芬洛未必可以贏得好輕鬆。


海倫芬經已執掂


波童心水場次係主場出擊嘅海倫芬。海倫芬去季成績下滑，和季初未適應新教練有好大關係，朗贊斯之前執教格羅寧根贏盡口碑，領軍功力唔使懷疑，經過一季相信會有更佳發揮，球隊今季保留了大部分主力，而且前鋒線免費簽入老將施邦，埋門方面更有把握。奈梅亨首席射手、去季以23球成為神射手嘅維利明克斯轉投布魯日，而且佢哋同樣面對換教練問題，有機會重蹈海倫芬去季覆轍，季初不宜睇得太高。（周日凌晨1時45分開賽）