哈特斯菲爾德撻着主Ｗ穩

猪拉多纳

06/08/2011
文： 路西法

今日英甲重點推介賽事，屬哈特斯菲爾德主場鬥貝利。哈軍上季奪英甲季軍，今夏更積極增兵，又留住神射手魯迪斯，熱身賽贏到澎澎聲。貝利為升班球隊，今夏莫財未有任何矚目收購，哈軍1.55倍主Ｗ夠穩陣。




（周六晚10時開賽）


貝利作客勢成炮灰


上季哈軍與直接升班資格擦身而過，本季矢志完成升班大業，今夏再度借入中場大將達米恩莊臣，而且亦有數個不俗收購，前景樂觀。最重要係蘇格蘭U21國腳魯迪斯繼續留隊，佢上季於所有賽事中轟入廿三球，季前帶領球隊連贏七場熱身賽，莫財升班馬貝利作客勢成炮灰。




另一場普雷斯頓主場對高車士打，前者續由菲臘布朗領軍，雖有大將艾殊比因傷缺陣，但前中後三線人腳鼎盛，高車士打近季作客輸多贏少，普軍主Ｗ可取。