經典四重奏

猪拉多纳

07/08/2011




施文宴客


1993 曼聯1:1阿仙奴（曼聯12碼贏5:4）




當年阿仙奴喺英超威脅唔到曼聯，但呢場波就打到天昏地暗，紅魔鬼由曉士打開紀錄，兵工廠憑伊恩胡禮扳平，踏入互射十二碼階段亦鬥到難分難解，要射到突然死亡階段，兵工廠最後由門將施文棄手用腳主射，但卻宴客。


大帝登基


1996 曼聯4:0紐卡素




英超成立後最懸殊嘅社區盾賽果，當年曼聯喺簡東拿等猛將助陣下，踢出超強霸氣，由簡東拿、畢特、碧咸及堅尼各建一功，大炒由奇雲基瑾率領嘅紐卡素四蛋，但之後聯賽，曼聯作客輸番五球畀紐卡素，真係風水輪流轉。


奧雲鋒芒


2001 利物浦2:1曼聯

由於溫布萊球場重建，自1974年以來首次轉換比賽場地，改喺卡迪夫千禧球場舉行，利物浦憑麥阿里士打射入十二碼，加上奧雲錦上添花，以二比一擊敗死敵曼聯，但估唔到依家奧雲已經係紅魔鬼一員。

打爆紅魔

2009 車路士2:2曼聯（車路士12碼贏4:1）

曼聯開波初段由拿尼打開紀錄，點知之後連失兩球，踢到補時由朗尼入波扳平，以為有運行，但只係美麗誤會，事關紅魔鬼喺互射十二碼時，三人竟然有兩人射失，包括後備上陣嘅傑斯。反觀車仔四射全中，贏四比一捧盃。