阿積士恰死迪加史卓普

猪拉多纳

07/08/2011
文： 笛子波童

去季荷甲三甲分子今晚齊齊作客出擊，當中衞冕冠軍阿積士對手迪加史卓普實力最弱，客軍只要發揮正常有力淨勝兩球。阿積士今季陣容上有不少變動，門將史基倫堡、中場迪美迪斯奧、連特格倫及前鋒施維坦歷治離隊，但新兵包括上季荷甲最佳球員特奧贊臣、阿爾克馬爾射手史基賀臣及中場施利路全部有級數，整體實力有增無減，何況佢哋對上六次聯賽面對迪加史卓普都贏波，而且全部淨勝兩球或以上，「讓球客勝」可放心捧場。




（now 639周日晚8時30分直播）


反川迪阿爾克馬爾


另外兩場比賽，川迪今季有中場靈魂特奧贊臣轉投阿積士，攻守料受一定影響，而且近兩周要兼顧歐聯外圍賽，體力上亦有輸蝕地方，上季球隊喺新教練普荷美領軍下頭兩輪聯賽都失分，今季換上老帥阿祖安斯，再次出閘脫腳一啲都唔奇，捧NAC「讓球主勝」。




（now 639周日晚10時30分直播）




燕豪芬作客鬥阿爾克馬爾較勢均力敵，主隊今季有多名主力離隊，實力大減，燕豪芬小讓平半捧上盤。（now 639周日晚6時30分直播）