韋斯咸頭炮碌爆卡

猪拉多纳

07/08/2011
文： 麥馬拿仁

新官上任要穩定大局，最重要係有親兵，今季降落英冠嘅韋斯咸，新領隊艾拿戴斯深明此道，羅致愛將路蘭加盟，而且留得住柏加及卡頓高爾等主將，實力屬於英冠數一數二，今晚主場對卡迪夫城，一於力撐1.78倍主勝。




（now 638周日晚8時直播）


卡迪夫城斷箭


艾拿戴斯同路蘭亦師亦友，兩人曾於保頓合作多年，建立深厚感情，否則路蘭唔會放棄留喺紐卡素踢英超，佢咁大犧牲追隨艾帥，肯定會付出最大努力為球隊爭取佳績。路蘭非常熟悉艾帥戰術思路，依家做埋隊長，可以「場上主帥」身份指揮隊友比賽，更能貫徹執行艾拿戴斯戰術。加上柏加及卡頓高爾等主將留隊，以英超班底踢英冠超晒班。




卡迪夫城無錯係上季英冠第四名，但兩位射手比拿美同保夫萊特已經離隊，兩人上季合共為球隊攻入二十九個聯賽入球，佔全隊入球三分一，今季攻力大打折扣下，相信好難再保佳績。