些路迪谷盡炒鴨

猪拉多纳

07/08/2011


蘇超為今日重心推介，鴨巴甸會於主場對些路迪。客隊早前在一星期內踢四場熱身賽，可見領隊連儂對備戰非常嚴格，估計「綠白兵團」狀態已經提升，今晚要贏鴨巴甸兩球或以上唔難，可投X「讓球客勝」。（周日晚7時15分開賽）


韋斯咸信「大Sam」


雖然蘇超在上月已經開咧，但些路迪依然冇停止練兵，踢罷開鑼戰後，就在約一星期內踢足四場熱身賽，目的當然係要谷盡球員狀態，所以今晚對鴨巴甸，料可輕勝。




至於降落英冠嘅韋斯咸，則會在主場開咧戰迎卡迪夫城。韋斯咸今季由艾拿戴斯領軍，「大Sam」過往執教保頓非常成功，有一定功力，而韋斯咸亦羅致路蘭及馬菲泰萊等猛將，實力在卡城之上，後者今季變動大難信任，料主隊可響勝鼓。