韋斯咸超班反轉卡城

猪拉多纳

07/08/2011
文： Sherry

大家好！由今日開始，小妹Sherry每逢星期日都會喺度同大家傾波經、吹吓水，小妹由細到大都好鍾意睇波，有獨特見解就唔敢講，但總算有少少心得同意見咁喇，嘻，各位讀者記住畀畀面捧場喇！


卡迪夫城雙箭離隊


早兩個月小妹真係忙到嘔，先要極速搞掂個Final Year Project，之後又要溫書準備考試，搞到自己成個宅女咁，兩個幾星期冇出過街囉！咁都未算慘，早排車仔嚟香港，小妹都抽唔到時間去捧費托場，呢個堅係小妹人生中嘅遺憾嚟o架！唉，算喇，考完個試就畢業投身社會，點都想好頭好尾讀完個Course，冇計，惟有希望費托遲啲會再嚟啦！係啵，唔記得講，小妹係讀航空管理，或者我遲啲做空姐，喺飛機度會撞到費托同路爾斯安達臣呢？哈！「前方是絕路，希望在轉角」嘛！




第一次同大家見面，小妹幾忙都要做功課幫讀者嘅。韋斯咸降落英冠先嚟發奮，搵名帥艾拿戴斯接手已經夠堅，中場大將路蘭同左閘馬菲泰萊仲肯降格來投，以咁嘅人腳，又點會搞唔掂有兩大箭頭保夫萊特同祖柏離隊嘅卡迪夫城先？捧1.78倍主W啦！


微博傳情


早兩星期第一次見《太陽波經》個攝記哥哥，感覺已經勁親切，好似見到自己個靚仔哥哥咁，嘻！小妹好少着波衫，今次機會咁難得，梗係要自拍放張相上FB啦！




百足咁多爪嘅大學生，熱愛運動，亦愛到沙灘同陽光玩遊戲。最鍾意同啲Friend去唱K兼睇直播波，曼聯中場路爾斯安達臣同車仔前鋒費托都係佢杯茶！