希爾星堡熱W「安」心捧

猪拉多纳

07/08/2011
文： 阿當K神

瑞超傳統勁旅希爾星堡，早兩日喺歐霸盃晉級後暫無後顧之憂，今晚返到聯賽造訪排緊喺尾二嘅西里安斯卡，預料可趁對手陣容天殘地缺輕鬆贏波，博1.62倍客W！（開賽時間：周日晚10:30）


西里安斯卡殘陣近況差


希爾星堡喺上周四嘅歐霸盃外圍賽，反勝賓尼耶赫達3:1晉級，士氣為之一振。呢支瑞超榜首球隊今季喺聯賽展現超班實力，踢咗19場只係輸過1場，最近4場聯賽更至少攻入2球，但由於佢哋依家只係領先次席嘅艾夫斯堡1分，相信今晚會繼續大開殺戒鞏固榜首位置。




至於依家喺聯賽尾二嘅西里安斯卡，近6場聯賽輸咗5場，狀態低迷。佢哋今場除咗有羅拔馬斯、比森古歷、施利文同安達斯四名主力養傷缺陣外，艾簡沙歷同祖漢艾倫兩名中後場大將仲雙雙停賽，陣容甩皮甩骨，即使主場出擊亦難抵擋聯賽一哥嘅來襲。