樂比堅料：羅斯托克整軍紀贏到波

猪拉多纳

08/08/2011
文： 樂比堅尼

德乙周二凌晨獨腳戲，羅斯托克主場對波琴。波琴上季衝擊德甲失敗，主將鄭大世有離心，導致季初表現平平，今仗遠征東德，情況令人擔心，平手盤樂比仔寧願捧主隊！




（周二凌晨2時15分開賽）


波琴鄭大世有離心


波琴上季表現神勇，勇奪聯賽季軍，可惜喺升班附加賽落敗未能升上甲組，今季波琴原被視為升班熱門，可惜首席射手鄭大世跳「草裙舞」，想加盟英冠球隊李斯特城，喺季初兩場聯賽都冇上陣，睇嚟佢去意已決，波琴都要搵定人取代佢位置！




升班球隊羅斯托克季初兩場聯賽都贏唔到，但絕對唔可以睇小呢支前東德球隊嘅威力，尤其係佢哋主場有大批球迷入場打氣，往往可發揮超水準嘅表現。




其實兩隊喺上星期嘅德國盃先交過手，當時兩隊打和2:2，該仗羅斯托克發揮較佳，兩度領先對手，可惜被追和，最終波琴射贏12碼晉級，羅斯托克今仗決定雪藏5名行為不檢嘅球員，表面上實力有所削弱，但樂比仔認為行軍打仗最緊要係紀律，依家羅斯托克整頓軍紀，隨時脫胎換骨，平手盤梗係要支持！