神射手吼實夏奧湯馬士

猪拉多纳

08/08/2011


以往葡超神射手離唔開葡萄牙及巴西兩國球員，但近年壟斷局面出現變化，南非前鋒麥卡菲、喀麥隆美安斯及阿根廷利辛奴盧比斯都做過神射手。另外亦有神射手並非來自「Big3」球隊，包括國民隊利尼姆，美安斯封王之時就効力比蘭倫斯。綜合近年走勢分析，新一季神射手爭奪會相當激烈，強如波圖雙雄侯克及法卡奧都未必可成為「士哥王」，至於新球季較值得留意係里奧艾維射手夏奧湯馬士。




呢位36歲老將於葡超縱橫多年，上季就為球隊取得16個入球，與波圖法卡奧並列神射手榜第2位。實在里奧艾維陣中好球員不多，夏奧湯馬士已經係球隊最有質素球員，好自然擔負起球隊入球重責。而夏奧湯馬士好可能踢埋今季後就會收山，相信呢位老將會拚盡所有，為自己留下美好回憶。