借題發揮:誠信心1400米惡

猪拉多纳

　　不知不覺，高伯新已接收廿多駒，高分如106分「美猴王」，低分至18分「恭喜發財」，一一有齊，不過，普遍都係低分馬比較多，60分或以下嘅馬，暫有15駒，至於有幾多係可造之材，有時真係話唔埋。

　　低分馬如「誠信心」，唔係完全冇實力，雖然跑咗兩季未贏過，但唔代表水皮，上季多戰無功，好大程度係受到傷患影響，一季跑得嗰4場，隻腳嘅健康唔會好得去邊！

　　如果唔係因為足部問題，令到戰鬥力大打折扣，以隻馬前季表現，喺五班中距離賽事，應該幾惡至真！尤其係遇到步速快場合，佢嗰段後勁可派用場。

　　總括而言，今季只要喼到出賽頻率，屆時又遇啱形勢的話，以此馬嘅1400米實力，要喺五班出頭，不會成問題。

Jack