薛達志堅旺財

猪拉多纳

　　【本報資料】薛達志前季僅取得11場頭馬，但上季頭馬數目即大幅反彈至24場，煞科日更有「好球」落飛得手，總算攞個尾彩。現時此廐的未上陣新馬不算多，可見練者今季應會把心力放在一批舊馬之上，當中一眾「旺財」系馬包括「好旺財」、「堅旺財」、「再來旺財」及「易旺財」均宜吼實。

賽績夠硬淨

　　多駒之中，又以「堅旺財」最有捧場價值。此駒至今七戰獲三亞及一席第五，未開齋只是運氣不佳，事關牠入Q三役中，有兩場輸給頭馬一個馬位以內，其中總場次641的田草1200米，更僅以鼻位輸給「正白旗」，卻壓倒再出入三甲的「沙紙」及「甜橙」，可見實力不凡。其實「旺財」系馬主郭志桁名下的「好旺財」經歷亦相似，前季陣上常跑第二，拉士一仗更以頸位輸給頭馬獲亞，結果上季一出即勝，更連贏三場，相信「堅旺財」今季初亦有好成績。

　　用人方面，上季替薛廐贏馬最多的是韋達，但練者亦甚重用已升正成為大師傅的梁家俊，如「好球」上仗兩W均是由此子一手包辦。