借題發揮:南陽望族呼風喚雨

猪拉多纳

　　高伯新旗下馬匹，評分較高那批，其實冇乜水位，「美猴王」已過百分，一對摩廐舊將「皇帝旨令」及「騰雲駕霧」，又在90分及之上，看不出有重大突破可能性，所以，喺中班那批，比較有跟進價值。

　　「南陽望族」現時評51分，較諸上季不是有太大差距，不過，如果以前季插班嘅78分相比，減幅其實唔細。此外，因為出賽次數不算多，唔係跑殘跑晒之類，就算踏入第3季服役，仍然可憧憬。

　　此馬上季初出便在田草1400米上名，及後於谷草一哩兩次入圍，雖則上名嗰3場賽事，喺末段唔係好有威脅，但總括而言，有半數賽事可跑入前列，證明演出平平穩穩。寄望新接手嘅高伯新，能夠搞妥此駒腳患問題，又撚好其進度，要在四班呼風喚雨，一定有咁嘅本事。

Jack