法國谷起明恰智利

猪拉多纳

10/08/2011
文： 笛子魔童

國際熱身賽法國主場鬥智利，法國對上十場國際賽不敗，球員狀態、熱身賽態度都比智利好，波童捧1.72倍「主勝」。（有線61台及now 714周四凌晨3時直播）




自從白蘭斯於去年世盃決賽周後接掌法國隊，除頭兩仗輸畀挪威、白俄羅斯，球隊已連續保持十場國際賽不敗，當中包括擊敗英格蘭、巴西等勁旅，表現具說服力，今次除受傷初愈嘅列貝利落選、前鋒皮耶及左閘艾拉因傷退隊，其他主力如賓施馬、拿斯尼全部列陣，戰鬥力有保證。


智利美洲盃冇料到


智利以上月美洲國家盃班底出戰，包括當紅炸子雞阿歷斯山齊士、今夏由利華古遜過檔祖雲達斯嘅維達爾等等，不過睇過佢哋上次喺美洲國家盃演出，發覺整體實力唔係想像中咁強，而且南美球員好重視假期，呢班國腳休息唔夠一個月，未回復作戰心態都好正常。事實上智利好多主力都喺西甲、意甲搵食，呢兩個聯賽月底先開鑼，相比之下法甲、英超較早開咧，講狀態點計都係法國隊秤先。




對賽往績方面，兩軍近年兩次交手都大手交易，九四年法國在主場贏三比一，○一年智利主場贏二比一。