葡軍收柯打勢炒盧森堡

猪拉多纳

10/08/2011
文： 巨高

國際熱身賽葡萄牙主場對盧森堡，自從保羅賓度上任後，葡萄牙國家隊表現極為標青，仲曾經打敗過西班牙，保羅賓度為要鞏固葡萄牙足總對佢嘅信任，今場必以大炒弱旅為目標，「讓球主客和」葡軍讓三球，照捧「讓球主勝」。（有線155台周四凌晨4時直播）




咪以為葡萄牙遇弱隊就會點班後生仔落場，今次保羅賓度照樣點選所有猛人，當中包括基斯坦奴朗拿度、摩天奴及近況大勇嘅拿尼。


主帥保羅賓度立威


其實葡萄牙聘請保羅賓度揸大旗，好多球迷都嫌佢唔夠料，笑佢連士砵亭都教唔掂。為要令足總及球迷信服，保羅賓度有必要爭取佳績，以證明自己有足夠功力執教葡萄牙國家隊，故今場一定落柯打大炒對手。




盧森堡世界排名過百，近期對住羅馬尼亞、匈牙利及白俄羅斯都輸晒，正式係大魚腩等劏格。