以色列太公波有Heart

猪拉多纳

10/08/2011
文： SAMVO肥叔

周中有唔少國際賽舉行，好多歐洲球會發晒爛渣，皆因賽期撞正開季階段，嚴重影響球會部署。對於莊家而言，本來有多啲波踢冇乜所謂，但由於賽事競爭性不足，預期生意麻麻，所以菠菜公司都對呢個賽期冇乜好感。




國際賽日多冷門賽果，主要因為名牌國家隊球星要兼顧球會賽事，喺呢類熱身賽好少搏盡。非洲名牌球隊科特迪瓦今次於中立場瑞士約戰以色列拍跳，論星味科特迪瓦有杜奧巴當然高啲，不過，非洲兵踢熱身賽向來唔認真，加上科特迪瓦有太多球星，個個都錫身，未必會太落力。以色列球員國家榮譽觀念重，有力保持不敗，受讓有計。（周四凌晨1時30分開賽）




同日愛爾蘭主場對克羅地亞，克羅地亞排名甚高，但兩軍實力其實差距唔大，愛爾蘭愈踢愈好，早前贏過意大利，表現對辦，今次於自己地頭出戰唔使讓波，盤口抵玩，平手盤要愛爾蘭。


愛爾蘭比利時有計


另外，比利時作客對斯洛文尼亞，比利時經過一輪沉寂後，近年出產唔少新星，進步幅度甚大，呢班波現時仲未響朵，不時都有筍盤，今次受讓好抵玩。


肥叔心水推介


以色列 下盤




德國 上盤

愛爾蘭 平手盤

比利時 下盤

英格蘭U20下盤、細盤

法國U20 上盤