日本搶Ｗ向松田直樹致敬

猪拉多纳

10/08/2011
文： 蘇豪

日本今日於主場約南韓拍跳，日軍主帥沙哲朗尼徵召超過十個外流球員，一眾將士受一代名將松田直樹離世影響心情，眾星望以勝利向松田致敬，同時要爭上位，爭勝決心強，有力戰勝宿敵南韓，捧1.88倍主Ｗ！




（周三晚6時30分開賽）




松田直樹猝逝震驚日本球壇，唔少球圈中人深感惋惜，國家隊早前於札幌合宿時特別安排隊員進行一分鐘默哀。日軍主力本田圭佑表示：「我相信松田仲有好多夢未圓，即使佢已離開，但精神會與日本足球同在。」為悼念呢位名將，今場賽前雙方會進行默哀儀式。




除為松田直樹而戰，日本眾星亦要爭上位，今次廿三人名單當中，超過一半球員外流搵食，兩大球星本田圭佑同香川真司繼續爭做大佬，國內新星清武弘嗣及柏木陽介亦要爭上位，即使守將長友佑都受傷缺陣，大軍實力仍然強勁，對住南韓實會全力爭勝。


南韓人腳唔齊


相比下南韓今次人腳唔算好齊，朴智星已退出國家隊，保頓快翼李青龍重創長抖，戰鬥力要打折扣。日本近年畀南韓食住，但今次有松田保佑，球員隨時踢出超水準戰勝死敵。