葡萄牙屠殺黑仔盧森堡

猪拉多纳

10/08/2011
文： 郭球奇

今晚葡萄牙喺熱身賽主場對魚腩盧森堡，擺明想練進攻破密集防守戰術。咁啱「黑仔」盧森堡班球員賽前被爆格，相信依家個個都心神恍惚，葡萄牙練兵好大機會演變成大屠殺，就算讓3球，1.9倍「讓球主勝」亦唔怕捧！（有線155周四凌晨4:00直播）




葡萄牙近年中後場人腳超勁，偏偏欠缺一名射手，為咗練進攻，呢支歐洲勁旅今晚約戰魚腩盧森堡都派強陣應戰，「皇馬4條煙」C朗、卡維奴、比比同法比奧干查奧、啱啱喺社區盾梅開二度嘅曼聯翼鋒拿尼都入選，就連老牌射手紐奴高美斯亦闊別2年後重返國家隊，擺明想大勝增強進攻信心。




對家盧森堡人腳同葡萄牙差幾條街，本來今晚都預咗死守，輸少一球得一球，點知盧森堡未踢波前，喺葡萄牙入住嘅酒店，有5間房被人爆格，其中前鋒達莫達損失慘重，被人偷咗電腦、iPad、今晚對葡萄牙嘅波飛同現金，試問今晚仲邊有心機踢波？所以球奇建議各位呢場捧「讓主」之外，亦不妨玩番多少4倍「主其他」！